O Noso Anagrama

A Sociedade Gastronómica, Cultural, Deportiva e Xuvenil Lar de Unta, é unha asociación con sede en Betanzos (Galiza) e que, segundo se recolle nos seus estatutos, ten os seguintes fins:

1. Dar a coñecer a riqueza e variedade da gastronomía galega.
2. A promoción da literatura galega, música, folclore, etc., a través da organización de actividades diversas. O idioma a usar en todas as comunicacións internas ou externas, así como na súa propaganda será o galego.
3. A promoción deportiva a través da organización de actividades varias.
4. Facilitar a participación da xuventude nas demais actividades propias da asociación.
5. Constituírse como lugar de encontro e debate dos seus asociados e da cidadanía en xeral.
6. Facilitar a formación dos seus asociados polo medios ao seu alcance.
7. En xeral, realizar calquera tipo de actividade lícita ao servizo dos seus asociados e da comunidade.

 O noso local social está situado en Rúa da Pescadería, 3; na zona vella da vila de Betanzos, como mostra do seu compromiso pola recuperación desta parte da cidade.