Artigo 1º.- 1.-Procédese a adaptar os Estatutos da Asociación denominada Asociación Gastronómica, Cultural e Deportiva Fonte de Unta, con nº de no Rexistro Central/Provincial de Asociacións sen ánimo de lucro 369/00 e C.I.F. 15758733, que pasará a denominarse Sociedade Gastronómica, Cultural, Deportiva e Xuvenil Lar de Unta.

2.-A Asociación rexerase polos presentes Estatutos, pola lei orgánica 1/2002, do 22 de marzo, reguladora do Dereito de Asociacións e pola demais lexislación existente en materia de Asociacións que lle sexa aplicable.

Artigo 2º.- Son fins principais da Asociación:

1.  Dar a coñecer a riqueza e variedade da gastronomía galega.
2. A promoción da literatura galega, música, folclore, etc., a través da organización de actividades diversas. O idioma a usar en todas as comunicacións internas ou externas, así como na súa propaganda será o galego.
3. A promoción deportiva a través da organización de actividades varias.
4. Facilitar a participación da xuventude nas demais actividades propias da asociación.
5. Constituírse como lugar de encontro e debate dos seus asociados e da cidadanía en xeral.
6. Facilitar a formación dos seus asociados polo medios ao seu alcance.
7. En xeral, realizar calquera tipo de actividade lícita ao servizo dos seus asociados e da comunidade.

 Artigo 3º.- Para levar a cabo os seus fins, poderá a Asociación organizar cantas actividade considere adecuadas para o cumprimento dos fins antes expostos:

 Artigo 4º.- O domicilio principal[1] e permanente da Asociación radicará na localidade de Betanzos, rúa de Pescadería, nº 3. C.P. 15300 teléfono -----, apdo. de correos ------, correo electrónico,-------

Poderanse utilizar outros locais asociativos adicionais noutras cidades, mediante acordo da Xunta Directiva, que terá atribucións para cambiar, tanto o domicilio como os locais, dando conta do seu acordo ó Organismo encargado do Rexistro de Asociacións. Para os efectos de comunicacións e notificacións sinálanse como preferentes as seguintes direccións:

Domicilio: Pescadería, 3, localidade Betanzos, C.P15300.

Artigo 5º.-  A Asociación en funcións dos seus fins e da ubicación do seu domicilio social, exercerá fundamentalmente as súas actividades no ámbito territorial da Comunidade Autónoma de Galicia.

Artigo 6º.-  A duración desta Asociación é de carácter indefinido e só se disolverá, conforme a estes Estatutos, pola vontade dos asociados expresada en Asemblea Xeral extraordinaria ou polas causas previstas na lexislación vixente.

A Asociación rexerase segundo os principios democráticos contidos na lexislación vixente.